बझाङका जोशीद्धारा १ सय २४ घण्टा ३० मिनेट किताब पढेर विश्व किर्तिमान

 जिल्लाका मुकेशराज जोशीले सबैभन्दा धेरै समय लगातार किताब पढेर विश्व किर्तिमान कायम गरेका छन । जयपृथ्वी नगरपालिका -८ जोशीगाँउका मुकेशराज जोशीले लगातार १ सय २४ घण्टा ३० मिनेट किताब पढेर विश्व किर्तिमान कायम गरेका हुन ।

६ दिन पाँच रात लगातार किताब पढेर उनले विश्व किर्तिमान राखेका हुन् । गिनिज इभेण्टको आयोजनामा उनले २०७६ साउन ५ गते बिहान ११ : ३० बजे देखि पढ्न शुरु गरेका थिए ।

१ सय २४ घण्टा ३० मिनेट सम्म जोशीले इतिहास, विभिन्न बिभिन्न प्रख्यात व्यक्तिहरूको जीवनी तथा अन्य किताबहरू पढेका थिए । यसभन्दा अगाडि यो विधामा नेपालकै दीपक शर्माको नाम थियो । उनले १ सय १३ घण्टासम्म पढेर सन् २००८ मा गिनिज बुकमा नाम लेखाएका थिए ।