जिल्ला प्रहरी कार्यालय बझाङमा आर्थिक वर्ष २०८१/८२ मा १ सय ११ वटा मुद्दा दर्ता, सबैभन्दा बढी अभद्र व्यहारका

जिल्ला प्रहरी कार्यालय बझाङमा एक वर्षको अवधिमा १११ वटा मुद्धा दर्ता भएका छन । गत आर्थिक वर्ष २०८१-०८२ को साउन देखि असार मसान्त सम्म विभिन्न घटनाका १११ वटा मुद्धा दर्ता भएको जिल्ला प्रहरी कार्यालय बझाङका प्रहरी निरीक्षक तथा सूचना अधिकारी लोकेन्द्र ठगुन्नाले जानकारी दिनुभयो । यस अवधिमा सबैभन्दा बढी अभद्र व्यहारका १८ वटा मुद्धा दर्ता भएको उहाँले बताउनुभयो ।

प्रहरी कार्यालय बझाङका अनुसार अभद्र व्यहारपछि जबरजस्ती करणीका १२ मुद्धा दर्ता भएका छन् । त्यस्तै बहुबिबाहका ९, ज्यान मार्ने उद्योगका ०४ र आत्महत्या दुरुत्साहनका ०३ वटा मुद्धा दर्ता भएका छन् । त्यस्तै बैंकिङकसुरका २ वटा, बाल बिबाह १ वटा, सवारी दुर्घटनाका २ वटा मुद्धा दर्ता भएका छन् । 

प्रहरीको तथ्यांकअनुसार दर्ता भएका १११ मुद्दामध्ये ५९ वटा मुद्दा फछ्र्यौट भइसकेका छन् भने बाँकी ५२ वटा अझै अनुसन्धान, मुद्दा दर्ता र अदालती प्रक्रियामा छन । उहाँका अनुसार आत्महत्या र भवितव्यज्यान लगायतका मुद्धामा २ वर्ष कुर्नुपर्ने कानुनी प्रकृया हुन्छ । 

प्रहरीमा एक वर्षको अवधिमा जबरजस्ति करणीका १२ उजुरी आएकोमा ११ उजुरी फच्र्यौट भएका छन, एक मुद्दा विचाराधिन अवस्थामा छ । अभद्र व्यवहारकाका १८ वटा उजुरी परेकोमा प्रायः मिलापत्र गरिएको प्रहरीले जनाएको छ ।