वडाभरका करिब ६ सय विद्यार्थीलाई नि:शुल्क स्पोर्ट्स ड्रेस वितरण गर्दै वडाध्यक्ष विष्ट

थलारा गाउँपालिका वडा नम्बर -९ ले वडाभरका विद्यार्थीलाई स्पोर्ट्स ड्रेस वितरण गर्न थालेको छ । वडाले आफ्नो आर्थिक वर्ष २०८०/८१ को विकास योजनामा समेटेर अनुरुप स्पोर्ट्स ड्रेस वितरण थालिएको हो । 

बजारमा रु १ हजार ४ सय मुल्य पर्ने स्पोर्ट्स ड्रेस प्रति विद्यार्थी एक जोर नि:शुल्क वितरण गर्न थालिएको थलारा गाउँपालिका वडा नम्बर ९ का वडाध्यक्ष लोकेन्द्रबहादुर विष्टले बताए । उनका अनुसार शुक्रबार चक्रेश्वर मावि मालुमेला र मष्टा आधारभूत विद्यालय आमबगरका वितरण गरिएको थियो । 

अब कालिका आवि खानी, महालिंग आवि रावली, प्रगतिशिल आवि सिरेटा, पूर्णचन्द्रोदय मावि कुलाकाट्ने, भवानी आवि फकाली, तेडी आवि चित्रु, कालिका आवि खानीमा वितरण गरिने वडाध्यक्ष विष्ट जेठ १३ र १४ गते वितरण गरिने वडाध्यक्ष विष्टको भनाई छ । 

वडाभित्र रहेका ९ वटा विद्यालयका विद्यार्थीलाई शुक्रबार अतिरिक्त क्रियाकलापका दिन लगाउन र सबै विद्यार्थीको मनोभावनामा एक रुपता ल्याइ शैक्षिक गुणस्तर बृद्धि गर्न उक्त स्पोर्ट्स ड्रेस वितरण गरिएको वडा कार्यालयले जनाएको छ ।