दुर्गाथलीमा सञ्चालित क्रिकेट प्रतियोगिताको उपाधि हिमालयन मेमोरियल युवा क्लब लेकगाउँलाई

गतिशिल युवा क्लब (डिडिवाइसी) दुर्गाथलीले आयोजना गरेको जिल्लास्तिय क्रिकेट प्रतियोगीता आज छैटौ दिनमा सम्पन्न भएको छ । २२ टिम सहभागी प्रतियोगीतामा प्रथम स्थान हिमालयन मेमोरियल युवा क्लब लेकगाउँ र द्धितिय स्थान महादेव युथ क्लब सैनले हात पारेका छन् । 

प्रतियोगीतामा १२ छक्का र ७ विकेट लिन सफल आयोजक ए का मनिस खाती म्यान अफ द सिरिज भएका छन् भने आयोजक ए कै नविन रोकाया वेष्ट बलर भएका छन् । 

प्रतियोगीतामा प्रथम स्थान हात पार्न सफल हिमालयन मेमोरियल लेकगाउँ टिमले रु ८५ हजार ५ सय १८ सहित मेडल, ट्रफी र प्रमाण पत्र हात पारेका छन् भने द्धितिय स्थान हात पार्न सफल महादेव युथ क्लब सैनले रु ४० हजार ५ सय १८ सहित मेडल ट्रफी र प्रमाण पत्र हात पारेको छ । 

मनिस खातीको अध्यक्षतामा आज भएको प्रतियोगीताको समापन कार्यक्रममा दुर्गाथली गाउँपालिका उपाध्यक्ष जनक बहादुर दौल्याल प्रमुख अतिथि रहनुभएको थियो भने विशिष्ट अतिथिमा बझाङ दिप क्याम्पसका स्ववियु सभापति तथा नेकपा विप्लव जिल्ला सचिवालय सदस्य कमल सी र दुर्गाथली ४ का निवर्तमान वडाध्यक्ष महेशप्रसाद जोशी रहनुभएको थियो । समापन कार्यक्रमको सञ्चालन आकाश खातीले गर्नुभएको थियो ।