खेल

सुदूरपश्चिम रोयल्सको ट्यालेन्ट हन्टमार्फत ‘आइकनिक प्लेयर’ बने बसन्त कार्की

जयपृथ्वी खबर

बिहीबार, मंसिर ६, २०८१

सुदूरपश्चिम रोयल्सको ट्यालेन्ट हन्टमार्फत ‘आइकनिक प्लेयर’ बने बसन्त कार्की

नेपाल प्रिमियर लिग (एनपिएल) को फ्रेन्चाइज सुदूरपश्चिम रोयल्सले ट्यालेन्ट हन्टमार्फत आइकनिक खेलाडी छनौट गरेको छ ।

सुदूरपश्चिमका लागि धनगढीमा भएको ट्यालेन्ट हन्टमा बसन्त कार्की आइकनिक खेलाडी छनौट भएका हुन् । अलराउन्डर रहेका कार्की ट्यालेन्ट हन्टबाट छनौट भएर एनपिएल खेल्न पाउने छन् ।

यस्तै सुदूरपश्चिम रोयल्सका अनुसार टिमले सुदूरपश्चिम हिरोज टिमका लागि उत्कृष्ट सात खेलाडी छनौट गरिएको छ ।

जसमध्ये उत्कृष्ट हुँदै आइकनिक खेलाडी बनेका कार्कीले एनपिएल खेल्ने अवसर पाएका हुन् । कार्कीसँगै आयुब चन्द, अभिशेक पाल, भूपेश जोशी, धर्मराज जोशी, शुशिल रावत र टेक रावत सुदूरपश्चिम हिरोजका रुपमा छनौट भएका छन् ।

आगामी मंसिर १५ देखि पुस ६ सम्म काठमाडौंमा आयोजना हुने एनपिएलमा सुदूरपश्चिम लागि नेपाली राष्ट्रिय टोलीका अलराउन्डर दिपेन्द्र सिंह ऐरी मार्की खेलाडी छन् ।

मेन्टरमा अष्ट्रेलियाका ब्राड हज तथा मुख्य प्रशिक्षक राष्ट्रिय टोलीका पूर्व प्रशिक्षक जगत टमाटा रहेका छन् ।

यस्तै सुदूरपश्चिम रोयल्सको तर्फबाट दीपेन्द्र सिंह ऐरी, आरिफ शेख, अभिनास बोहरा, विनोद भण्डारी , अर्जुन कुमाल, खडक बोहरा, इशान पाण्डे, नरेश बुढाऐर, भोजराज भट्ट, नरेन साउद, अमित श्रेष्ठ, ब्रान्डन मक्मलेन (स्कटल्यान्ड), सेफ अलि जेब (इंग्ल्यान्ड), स्कट कुगेलेइन (न्युजिल्याण्ड), रोहन मुस्तफा (यूएई) ले खेल्दै छन् ।

प्रकाशित मिति: बिहीबार, मंसिर ६, २०८१

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप खेल