झोतामा मोटरसाइकलको ठक्करबाट एक बालिका घाइते

बझाङ : बझाङमा मोटरसाइकलको ठक्करबाट एक बालिका घाइते भएकी छन् । जयपृथ्बी राजमार्ग अन्तरगत केदारस्युँ गाउँपालिकाको देउराबाट झोता आइरहको सु.प.प्र ०१००८ प. २४१६ नम्बरको मोटरसाइकलले आइतबार साझ झोता चेकपोस्ट नजिक बालिकालाई ठक्कर दिएको प्रहरीले जनाएको छ ।
मोटरसाइकलको ठक्करबाट जिल्लाको थलारा गाउँपालिका वडा नम्बर ४ डिख्लाकी ५ बर्षिया अन्जली नेपाली घाइते भएको प्रहरीले जनाएको छ । प्रहरीका अनुसार दुर्घटनामा परि मोटरसाइकल चालक सुरेन्द्र कुमार शाही पनि घाइते भएका छन् । घाइतेलाई थप उपचारको लागि धनगढी रेफर गरिएको बझाङका प्रहरी प्रमुख डिएसपी रुपक खड्काले बताए ।