बझाङका चार ठाउँमा शंकास्पद वस्तु भेटियो, केही डिस्पोज गरिए, केही बाँकी

बझाङका विभिन्न ठाउँमा निर्वाचन बिथोल्ने उदेश्यले बम जस्तो देखिने शंकास्पद वस्तु राखिएको भेटिएको छ । 

थलारा गाउँपालिकास्थित शारदा माबि मतदान केन्द्र नजिक दुईवटा शंकास्पद वस्तु फेला परेका थिए। एउटा वस्तु डिस्पोज गरिएको छ भने अर्को डिस्पोजको तयारी छ ।

 यस्तै सदरमुकाम चैनपुरको बालमन्दिर आवि मतदान केन्द्र नजिकै पनि एक शंकास्पद देखिएको थियो । उक्त डिस्पो गरिएको छ । यस्तै छबिसपाथिभेरा गाउँपालिका ६ बाठपाली मावि मतदानकेन्द्र नजिकै हिजो एक शंकास्पद फेला परेको थियो त्यहाँ पनि डिस्पोज गरिएको छ । बुंगल नगरपालिका ४ को सरस्वति मावि बिजगडा मतदान केन्द्र पनि आज बिहान ४ बजे शंकास्पद वस्तु डिस्पोज गरिएको छ ।