बझाङमा भारतबाट आएका एक जना कोरोना संक्रमितको मृत्यु

बझाङ : बझाङमा एक जना कोरोना संक्रमितको मृत्यु भएको छ । बझाङको जयपृथ्वी नगरपालिका वडा नम्बर ६ का ४८ वर्षिय पुरुषको मृत्यु भएको जिल्ला अस्पताल सिमखेतका कोभिड सम्पर्क व्यक्त्ति डाक्टर मिलन खड्काले जानकारी दिएका छन् ।

संक्रमित भारतको तामिलनाडु भन्ने ठाउँबाट चैत २९ गते बझाङ आएका थिए । उनलाई जिल्ला अस्पताल सिमखेतको प्रयोगशालामा बैशाख ६ गते कोभिड एन्टिजेन्ट विधिबाट चेक गर्दा पोजेटिभ देखिएको थियो ।

संक्रमितको स्वास्थ्यमा थप समस्या देखिएपछि थप उपचारको लागि नेपालगन्ज मेडिकल कलेज लैजादै गर्दा बाटोमै मृत्यु भएको समेत डाक्टर खड्काले बताएका छन् ।