सुदूरपश्चिम

मंसिर ४ गते हुने निर्वाचनका लागि बैतडीमा १ हजार ६ सय ८४ जनशक्ती परिचालन गरिदै

जयपृथ्वी खबर

आइतबार, कात्तिक २०, २०७९

मंसिर ४ गते हुने निर्वाचनका लागि बैतडीमा १ हजार ६ सय ८४ जनशक्ती परिचालन गरिदै

baitadi-nirwachan.jpg

बझाङ : मंसिर ४ गते हुने प्रदेश तथा प्रतिनिधिसभा सदस्यको निर्वाचनका लागि बैतडीमा १ हजार ६ सय ८४ जनशक्ती परिचालन गरिने भएको छ । निर्वाचन कार्यालय बैतडीका प्रमुख माधवप्रसाद फुयालका अनुसार मतदान अधिकृत, सहायक मतदान अधिकृत, सहायक कर्मचारी, स्वयंसेवक र कार्यालय सहयोगी गरी १६८४ जनशक्ति परिचालन गरिने भएको हो ।

जिल्लामा २१० मतदान केन्द्र रहेका छन् भने जिल्ला कारागारमा एक अस्थायी मतदान केन्द्रसमेत स्थापना गरिएको छ । यी केन्द्रमा १६८४ जना जनशक्ती परिचालन गरिने छन् ।
पाँच सयसम्म मतदाता भएको केन्द्रमा मतदान अधिकृत, सहायक मतदान अधिकृत, चार जना सहायक कर्मचारी तीन जना स्वयंसेवक र १ जना कार्यालय सहयोगी खटिने छन् ।

एक हजारसम्म मतदाता भएको केन्द्रमा मतदान अधिकृत, सहायक मतदान अधिकृत, पाँच जना सहायक कर्मचारी, चार जना स्वयंसेवक र एक जना कार्यालय सहयोगी खटिने निर्वाचन कार्यालय बैतडीका प्रमुख फुयालले जानकारीले दिए ।

जिल्ला कारागारमा स्थापना गरिएको अस्थायी मतदान केन्द्रमा मतदान अधिकृत, सहायक मतदान अधिकृत, सहायक कर्मचारी र कार्यालय सहयोगी खटिने छन् ।

प्रकाशित मिति: आइतबार, कात्तिक २०, २०७९

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम