विध्यालयको छानो हावाहुरीले उडाएपछि पठनपाठनमा समस्या

बझाङ : बझाङको बुंगल नगरपालिका–८ मा रहेको डाँडाबाग आधारभुत विध्यालयको छानो हावाहुरीले उडाएपछि पठनपाठनमा समस्या भएको छ ।

गत मंगलबार आएको हावाहुरीले विद्यालयको छाना उडाएपछि पठनपाठनमा समस्या भएको हो । छाना उडाएपछि बहुकक्षा शिक्षणको माध्यमबाट पठनपाठन संचालन गर्नुपर्ने अवस्था रहेको प्रधानाध्यापक विस्न बोहराले बताउनुभयो ।

वर्षात्को समय भएकाले पानी परेको दिन समस्या हुने गरेको र पछिल्लो समय लगातार परेको वर्षाका कारण छाना उडाएको विद्यालय भवनको गाह्रोसमेत भत्कने अवस्थामा पुगेको जनाइएको छ ।