सुदूरपश्चिम

कैलालीमा एक ट्रकमा आगजनी

जयपृथ्वी खबर

सोमबार, असार ६, २०७९

track-agajani.jpg

धनगढी: आइतबार कैलालीमा एक ट्रकमा आगजनी भएको छ। प्रहरीका अनुसार राति साढे ११ बजेको समयमा लम्कीचुहा नगरपालिका-३ चिसापानीस्थित कर्णाली पुलमा ना ७ ख ६३२५ नम्बरको ट्रकमा आगजनी भएको हो।

चालक चुरे गाउँपालिका-३ सुनारीका ३५ वर्षीय रमेश शाह आफैले पुलको बिच भागमा ट्रकलाई तेर्सो बनाई टायरमा पेट्रोलजन्य पदार्थ प्रयोग गरी आगो लगाएको जिल्ला प्रहरी कार्यालय कैलालीले जनाएको छ। आगो तत्कालै नियन्त्रणमा लिइएको र टायरहरुमा क्षति पुगेको बताइएको छ।

चालकलाई ट्रकमा आगो लगाई सोही पुलमुनी लुकीछिपी बसिरहेको अवस्थामा फेला पारी नियन्त्रणमा लिइएको कार्यालयका प्रवक्ता प्रहरी नायब उपरीक्षक वेदप्रकाश जोशीले बताए। उनलाई आवश्यक कारबाहीका लागि इलाका प्रहरी कार्यालय लम्की पठाइएको उनले बताए।

प्रकाशित मिति: सोमबार, असार ६, २०७९

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम