बझाङमा एक महिलाले खोलामा हामफालेर बेपत्ता भइन्

बझाङ : बझाङको यार्सा संकलन क्षेत्र साईपालको बेस क्याम्पमा पर्ने औलागाड भन्ने ठाउँमा खोलामा हाम फालेर एक महिला बेपत्ता भएकी छन् । 

बाजुरा जिल्ला घर भै हाल तलकोट गाउँपालिका ४ मा अस्थायी रुपमा बस्दै आएकी अन्दाजी २३ बर्षिया सुनसरी थापाले ४ गते शुक्रबारका दिन खोलामा हाम फालेको आफन्तले जानकारी दिएका छन् । साथै मौसम खराविका कारण आज मात्रै नेटवर्क आएकाले आफुहरुले खोजी गर्दा नभेटिएको र प्रहरी चौकीमा खबर गर्न समेत ढिलाई भएको बताए। 

वेपता थापाको खोजी कार्यका लागि लासि प्रहरी चौकी धुलीबाट प्रहरी टोली घटनास्थल तर्फ खटाईएको जिल्ला प्रहरी कार्यालय बझाङका प्रमुख तथा डियसपी रुपक खड्काले बताउनु भयो । थापा यार्सा संकलन गर्नको लागि साईपालको बेस क्याम्पमा गएकी र खोलामा केकति कारणले हाम फालेको हो भन्ने कारण नखुलेको तथा अन्य कुरा बुझ्न खोज्दा घटना स्थल तर्फ गएको प्रहरी टोली र थापाका आफ्न्त दुबैलाई फोन नलागेको  समेत डिएसपी खड्काले बताउनु भयो ।