संघीय सरकारबाट बझाङका पालिकालाई ३ अर्ब ९६ करोड अनुदान, सबैभन्दा बढी बुंगल नगरपालिकाले पाउने

आगामी आर्थिक वर्ष २०८२/८३ का लागि संघीय सरकारले बझाङ जिल्लाका सबै १२ स्थानीय तहलाई ३ अर्ब ९६ करोड ४६ लाख रुपैयाँ बराबरको अनुदान विनियोजन गरेको छ। संघीय सरकारको बार्षिक बजेट मार्फत प्राप्त यो रकमले जिल्लाको विकास योजनाहरूलाई तिव्रता दिने अपेक्षा गरिएको छ।

विनियोजित अनुदानमध्ये सबैभन्दा बढी रकम बुंगल नगरपालिकाले प्राप्त गर्नेछ। बुंगललाई आगामी वर्षका लागि ५० करोड ६० लाख रुपैयाँ विनियोजन गरिएको छ। त्यसैगरी, सबैभन्दा कम १७ करोड ४२ लाख रुपैयाँ साइपाल गाउँपालिकालाई छुट्याइएको छ, जुन भूगोलका हिसाबले दुर्गम तथा सेवा–सुविधाबाट वञ्चित क्षेत्र मानिन्छ।

जिल्लाका अन्य पालिकाहरूमा पनि आधारभूत पूर्वाधार, शिक्षा, स्वास्थ्य, खानेपानी, कृषि तथा स्थानीय विकास योजनाहरू संचालन गर्न पर्याप्त बजेट विनियोजन गरिएको छ।

 पालिकागत रुपमा अनुदान विवरण यस्तो छः

पालिका अनुदान रकम (करोड रुपैयाँमा)

बजेट वितरणको सन्दर्भमा स्थानीय तहमा जनसंख्या, भौगोलिक दुर्गमता, क्षेत्रफल, सेवा प्रवाहका आवश्यकता र विगतको खर्च क्षमतालाई समेत आधार मानेर रकम विनियोजन गरिएको जनाइएको छ।