केदारस्युँ -०४ ले उचाल्यो प्रथम वडाध्यक्ष पुरुष भलिबल कपको उपाधि, सकियो बगडगाउँको रमझम

छबिसपाथिभेरा गाउँपालिका -१ बगडगाउँस्थित जनप्रिय माविस्थित प्रथम वडाध्यक्ष कप पुरुष भलिबल कप विविध सांस्कृतिक कार्यक्रम तथा कृषि मेला प्रदर्शनी -२०८१ बुधबार सम्पन्न भएको छ । मेलामा पुरुष भलिबलका साथै कृषिमेला र विविध सांस्कृतिक कार्यक्रम आयोजना गरिएका थिए । बुधबार सम्पन्न भएको भलिबलमा प्रथम केदारस्युँ गाउँपालिका वडा नम्बर ०४, द्धितिय छबिसपाथिभेरा गाउँपालिका वडा नम्बर ०१ आयोजक ए र तृतिय छबिसपाथिभेरा गाउँपालिका वडा नम्बर ०१ आयोजक बि भएको छ भने सात्वना स्थान ल्याउनेको विवरण प्राप्त हुन सकेको छैन। 

भलिबलमा प्रथम भएको केदारस्युँ गाउँपालिका वडा नम्बर ०४ ले १ लाख १ हजार ६ सुय २० रुपैँया, द्धितिय छबिसपाथिभेरा गाउँपालिका वडा नम्बर १ आयोजक ए ले ५१ हजार ६ सय २० रुपैयाँ, तृतिय भएको छबिसपाथिभेरा गाउँपालिका वडा नम्बर ०१ आयोजक बि ले २६ हजार ६ सय २० रुपैयाँ सहित सबै बिजयी टिमलाई मेडल, ट्रफि र प्रमाणपत्र प्रदान गरिएको आयोजकले जनाएको छ ।

यस्तै भलबिलमा सर्वोत्कृष्ट खेलाडी, उत्कृष्ट खेलाडी, उत्कृष्ट स्पाइकर, उत्कृष्ट सेटर, उत्कृष्ट सेटर, ब्लकर, लिब्रो र कोचलाई पनि सम्मानित र पुरस्कृत गरिएको छ । केही दिन अगाडी सम्पन्न भएको कृषि मेला प्रदर्शनीमा पनि कृषि उपज बस्तुको राम्रो प्रदर्शन गर्ने कृषकलाई पुरस्कृत गरिएको छ ।   मेलालाई सफल बनाउन सहयोग गर्नुहुनेलाई वडाध्यक्ष करनजंगबहादुर सिंहले धन्यवाद ज्ञापन गर्नुभएको छ ।