पाण्डु मावि पडेशले पायो लालबहादुर खड्काको नेतृत्वमा नयाँ विद्यालय व्यवस्थापन समिति

लामो समयदेखि विवादित हुँदै आएको पाण्डु मावि पडेश बझाङको नयाँ विद्यालय व्यवस्थापन समिति गठन प्रक्रियाले आज पूर्णता पाएको छ । आज बसेको सर्वपक्षिय भेलाले लालबहादुर खड्कालाई सर्वसम्मत अध्यक्ष पदमा चयन गरेको हो ।

समितिमा अध्यक्ष लालबहादुर खड्कासहित सदस्यहरु नवराज विष्ट, रामबहादुर खड्का, पदेन सदस्य वडाध्यक्ष गंगबहादर खड्का, महिला सदस्यहरु नन्दा खड्का,  जुना वड र सारदा नेपाली सर्वसम्मत चयन हुनुभएको छ । यस्तै आजै गठन भएको शिक्षक अभिभावक संघमा  केसब विष्टसहित ११ जना चयन हुनुभएको पाण्डु माविका शिक्षक उत्तमबहादुर साउँदले जानकारि दिनुभएको छ । 

समितिको गठन विद्यालयको वार्षिक साधारण सभामा भएको थियो, जसमा विद्यालयका शिक्षक, अभिभावक, विद्यार्थी तथा स्थानीय समुदायको उल्लेख्य सहभागिता रहेको थियो। कार्यक्रमको सुरुआत विद्यालयका प्रधानाध्यापक जनकराज जोशीले विद्यालयको हालको शैक्षिक अवस्थाबारे जानकारी दिँदै, नयाँ समितिले विद्यालयको शिक्षामा गुणस्तरीयता कायम गर्न महत्वपूर्ण भूमिका खेल्ने आशा व्यक्त गर्नुभयो।

समितिका नवनिर्वाचित अध्यक्ष लालबहादुर खड्काले विद्यालयमा शैक्षिक परिवर्तन ल्याउन एकजुट भएर काम गर्ने प्रतिबद्धता जनाउनुभएको छ। उहाँका अनुसार विद्यालयमा नयाँ पाठ्यक्रमको कार्यान्वयन, विद्यार्थीको व्यक्तित्व विकास र अतिरिक्त क्रियाकलापहरूमा जोड दिइने छ।

यसअघि सत्यवादी माविमा कुशल प्रधानाध्यापकको भुमिका निभाइसक्नुभएका अध्यक्ष खड्कालाई सबैले पाण्डु मावि पडेश आफ्नै स्थानीय विद्यालय भएकाले विद्यालयको शैक्षिक, प्रशासनिक र संरचनागत व्यवस्थापनलाई थप प्रभावकारी बनाउन भुमिका खेल्ने आशा राखेका छन् ।