जयपृथ्वी - ६ मा सञ्चालन भएको स्वास्थ्य शिविरमा १ सय १९ जना सेवाग्राहीले सेवा लिए

जयपृथ्वी नगरपालिका स्वास्थ्य शाखाको आयोजनामा आज जयपृथ्वी नगरपालिकामा वडा नम्बर ६ मा क्षयरोगका बिरामीहरुको खोजपड्ताल तथा बृहत स्वास्थ्य शिविर सञ्चालन भएको छ ।

जयपृथ्वी नगरपालिकालाई क्षयरोग मुक्त पालिका बनाउने अभियान अन्तर्गत आज जयपृथ्वी नगरपालिकामा वडा नम्बर ६ मा रहेको आधारभुत स्वास्थ्य केन्द्रमा क्षयरोगका बिरामीहरुको खोजपड्ताल तथा बृहत स्वास्थ्य शिविर सञ्चालन भएका हो ।

शिविरमा ८४ जना महिला र ३५ जना पुरुष गरि १ सय १९ जना सेवाग्राहीले स्वास्थ्य चेकजाँच गरि सेवा लिएको जयपृथ्वी नगरपालिकाको स्वास्थ्य शाखाका जनस्वास्थ्य निरिक्षक रामचन्द्र जोशीले बताउनुभयो । साथै उक्त शिविरमा ४४ जनाको क्षयरोग परीक्षणका लागि खकार नमुना संकलन समेत गरिएको जनस्वास्थ्य निरिक्षक जोशीको भनाई छ ।