चिराशैनी युवा क्लबले रचनात्मक काम गरि मनायो स्थापना दिवस 

वित्थडचिर गाउँपालिका ६ मा रहेका चिराशैनी युवा क्लबले आफ्नो प्रथम स्थापना दिवस मनाएको छ । क्लबले आज विभिन्न कार्यक्रम मनाएर स्थापना दिवस मनाएको हो । 

विगतका वर्षदेखि विभिन्न सामाजिक कार्य गर्दै आएको चिरासैनी युवा क्लबले प्रथम स्थापना दिवसको अवसरमा वित्थडचिर गाउँपालिका -६ मा रहेका सामुदायिक विद्यालय र वडा नं. -७ मा रहेको भगवती मावि पोखरीका विद्यार्थीहरुलाई शैक्षिक सामाग्री वितरण गरेको छ । 

क्लवले स्थापना दिवसको अवसरमा विद्यालयमा रहेका ३१ जना विद्यार्थीहरुलाई कापी, कलम, वर्णमाला लगायतका सामाग्री सहयोग गरेको हो । आमा बुवा नभएक टुहुरा तथा अति विपन्न परिवारका बालबालिकाको शैक्षिक स्तरमा सघाउ पुर्याउने उदेश्यले शैक्षिक सामाग्री सहयोग गरेको क्लवका अध्यक्ष कलक धामीले जानकारी दिनुभयो ।