ग्लोबल आइएमइ बैंक बझाङ शाखाले सुरु गर्‍यो पानकोट रोडबाट सेवा दिन

बझाङ सदरमुकाम चैनपुर बजारको चौराहा नजिकबाट सेवा प्रवाह गर्दै आएको ग्लोबल आइएमइ बैंक बझाङ शाखा कार्यालय स्थानान्तरण भएको छ ।

पहिलेको भवन भुकम्पले चर्काएपछि ग्लोबल आइएमइ बैंक बझाङ शाखा आइतबार चौराहा नजिकबाट पानकोट सडक शान्तिमार्ग रोडमा स्थानान्तरण गरिएको हो ।

बैंक स्थानान्तरण भएको नयाँ बिक्रमसिंह महर (ब्याँसी) को भवनमा प्रमुख जिल्ला अधिकारी विश्वामित्र कुँइकेलले रिबन काटेपछि कारोबार पनि सुरु भएको छ ।

बझाङ शाखा प्रमुख हरिचन्द्र रेग्मीले ग्लोबल आईएमइ बैंकले ऋण लगानी,निक्षेप सङ्कलन गर्ने,नगद भुक्तानी गर्ने,मोबाइल तथा अनलाइन बैंकिङ सेवा दिने,रेमिट्यान्सको सुविधा प्रदान गर्ने लगायत सबै किसिमका साधारण बैंकिङ सेवाहरू उपलब्ध गर्दै आइरहेको बताउनुभयो । ग्लोबल आईएमई बैंक देशका ७७ वटै जिल्लामा शाखा सञ्जाल रहेको निजी क्षेत्रको पहिलो वाणिज्य बैंक रहेको छ ।