बझाङमा जिपको ठक्करबाट महिलाको मृत्यु भएपछि आफन्तद्धारा जयपृथ्वी राजमार्ग अवरुद्ध

बझाङ : जयपृथ्वी राजमार्ग अवरुद्ध पारिएको छ । बझाङमा जिपको ठक्करबाट महिलाको मृत्यु भएपछि मृतकका आफन्तहरुले राजमार्ग अवरुद्ध पारेका हुन । अहिले मृतकका आफन्तहरुले आक्रोशित भएर राजमार्ग अवरुद्ध पारेपछि सवारी साधन सडकमै रोकिएका प्रहरीले जनाएको  छ ।

आज बुधबार विहान ९ बजे जिपको ठक्करबाट घाईते केदारस्युँ गाउँपालिका ४ बागथलाकि ६४ बर्षिया महेश्वरी देवी मल्लको मृत्यु भएको हो । बागथला तल्ला बजारमा घर अगाडीको धारामा पानी लिन जाने बेलामा बागथला बाट चैनपुर तर्फ आईरहेको सुदुरपश्चिम प्रदेश ०१ ००१ ज १३१६ नम्बरको जिपले ठक्कर दिएको थियो ।

जिपले ठक्कर दिदा मल्लको टाँउको र छातिमा चोट लागेको थियो । घाईते मल्लको रायल प्राथमिक स्वास्थ्य केन्द्र देउरामा सामान्य उपचार पश्चात थप उपचारको लागि धनगढी लैजादै गर्दा बाटोमै मृत्यु भएको हो । जिप चालक वित्थडचिर गाउँपालिका ६ का २४ बर्षिया विशाल सिंह स्याडालाई नियन्त्रणमा लिएको प्रहरीले जनाएको छ ।