बझाङमा घरको सिडीबाट लडेर एक वृद्ध गम्भीर घाइते

बझाङमा घरको सिडीबाट लडेर एक वृद्ध घाइते भएका छन् । थलारा गाउँपालिका– ८ देवस्थलीका ६३ वर्षीय मदनराज पाध्याय मङ्गलवार आज दिउँसो १२ बजेको समयमा आफ्नै घरको सिडीबाट लडेर घाइते हुनुभएको जिल्ला प्रहरी कार्यालय बझाङले जनाएको छ ।

पाध्यायको जिल्ला अस्पताल बझाङमा चेकजाँच गर्दा बायाँ छातीको १० वटा करङ भाँच्चिएको र बायाँ काँधमा चोट लागेको जिल्ला अस्पतालले जनाएको छ ।

बझाङमा उपचार सम्भव नभएपछि थप उपचारको लागि उनलाई धनगढी रिफर गरेको भए पनि गाडीमा लैजान अहसज भएकाले प्लेन नआउँदासम्मको लागि घाइते पाध्यायको जिल्ला अस्पतालमै उपचार भइरहेको जिल्ला प्रहरी कार्यालयब बझाङले जनाएको छ ।