बझाङमा विषादी सेवनबाट घाइते महिलाको मृत्यु

बझाङ : बझाङमा विषादी सेवनबाट घाइते  महिलाको मृत्यु भएको छ । जिल्लाको खप्तडछान्ना गाउँपालिका  ६ पुजारीगाउँकी १९ वर्षिया राजकुमारी खड्काको गएराती मृत्यु भएको हो ।

उनले विहिबार दिउँसो विषादी सेवन गरेकि थिइन् । विषादी सेवन गरेको आफन्तले थाहा पाएपछि राति नै जिल्ला अस्पताल ल्याइएको प्रहरीले जनाएको छ । जिल्ला अस्पतालमा उपचार सम्भव नभए पछि धनगढी रिफर गरिएकोमा बिच बाटोमै खड्काको शुक्रबार मृत्यु भएको हो ।

खड्काले दुई वर्ष अघि बुगंल नगरपालिका पिपलकोट विहे गरेकि थिइन् । पारिवारिक सम्बन्ध बिग्रेकाले उनी माइतीघरमै बस्दै आएको आफन्तले बताएका छन् । उनको डेढ वर्षकी छोरी पनि रहेकि छन् ।विषादी सेवनको कारण नखुलेको र घटनाबारे थप अनुसन्धान भईरहेको बझाङ प्रहरीले जनाएको छ ।