'हामीलाई दैवले पनि हेप्यो, सरकारले पनि हेप्यो'
बुंगल नगरपालिकाका अपांगता भएका व्यक्तिले स्थानीय सरकारले आफूहरुको वेवास्ता गरेको गुनासो गरेका छन् । आफूहरुले पटक पटक नगरपालिका कार्यालय धाए पनि नगर प्रमुख जयबहादु धामीले हुन्छ भन्दै टार्ने गरेको उनीहरुको गुनासो छ ।
बुंगल नगरपालिकामा मात्रै हाल ७ सय बढी अपांगता भएका व्यक्ति भएको तर तीनै तहका सरकारको वेवास्ताका कारण आफूहरुको जीवन कष्टकर बनिरहेको बुंगल नगरपालिका अपांग संघका सदस्य रामबहादुर बोहराले गुनासो गर्नुभयो ।
उहाँले बुंगलका अपांगहरुलाई घरमा भन्दा एक ठूलो अपांगता मैत्री भवन निर्माण गरेर व्यवस्थापन गरिदिन बुंगल नगरपालिकालाई अनुरोध गरेको तर नगरपालिकाले हुन्छ भनेर मात्रै टार्ने गरेको दुखेसो गर्नुभयो ।
'संघियता आएपछि सरकारले आफूहरुलाई व्यवस्थापन गर्ला भन्ने आशा थियो तर स्थानीय सरकारले अहिलेसम्म हामीलाई सामान्य कार्यक्रम पनि दिएन ।,' बुंगल नगरपालिका अपांग संघका अध्यक्ष गोपाल धामीले भन्नुभयो।
'एउटा भवन मात्रै भए पनि हामी सबै जना मिलेर बस्ने थियौं । तर हामीले सयौं पटक धाउँदा पनि मतलव गरेनन् मेयर ज्यु । हामीलाई दैवले पनि हेप्यो । सरकारले पनि हेप्यो । न पढ्न पायौं न घरमा सम्मानजनक व्यवहार छ । मर्न पनि सकिदैन ।,' बुंगल नगरपालिका अपांग संघका सचिव जगत नाथले दुखेसो पोखे ।
घरमा अनावश्यक दबाब हुने र रोजगारीका अवषर पनि नभएकाले अपांगहरुलाई समस्या हुँदै आएको छ । नगरपालिकाले पालिकाभरका अपांगको तथ्यांकसमेत नराखेको र आफूहरुको एकताले मात्रै केही अपांग खुलेर आएको सचिव नाथको भनाई छ ।
देशका चितवन, पोखरा लगायत ठाउँमा स्थानीय तहमा अपांगलाई लक्षित धेरै रोजगारीका अवसरसमेत सिर्जना गरिएको तर यहाँका स्थानीय तहले अपांगलाई कुनै पनि कार्यक्रम नल्याएको अंपागहरुको गुनासो छ ।
प्रताप ओली जयपृथ्वी एफएम ९६.३ मेगाहर्ज बझाङका संस्थापक अध्यक्ष हुन् । उनी विगत १० वर्षदेखि बझाङबाट समसामयिक विषयमा कलम चलाउँदै आएका छन् ।
झ्याप्ले खोलाको पहिरोले लुटेर लग्यो बझाङका नवीनको कृषि विज्ञ बन्ने सपना
नागढुंगा चेकपोस्टबाट २.७ किलोमिटर मात्रैको दूरीमा रहेको झ्याप्ले खोलानजिक आइपुग्दा शुक्रबार राति धेरै यात्रुले राजधानी नै प्रवेश गरिसकेको सोचेका थिए। झ्याप्ले खोला कटेलगत्तै काठमाडौं सुरु हुन्छ। सोमबार, असोज १४, २०८१
देउडामा आमा भन्दा छोरी कडा
सुदूरपश्चिम र कर्णाली क्षेत्रमा देउडा पारखीहरुकाबीच चर्चित नाम हो-राजकला धामी । सुदूरपश्चिम प्रदेशमा त झन् जहाँ ठूलो देउडा खेल (प्रत्यक्ष सवाल जवाफ हुने प्रतियोगिता) हुन्छ, त्यहाँ राजकला धामीको... बिहीबार, असोज १०, २०८१
विश्व रेडियो दिवस: रेडियो पत्रकारिता र मेरो अनुभुति
मंगलबार, फागुन १, २०८०
विदेश उडेको एक महिना नपुग्दै सपना चक्नाचुर
‘दाइ म यहाँ ठीक छु। काम भइरहेको छ। त्यहाँ भूकम्पको त्रास कस्तो छ ? हाम्रो घरमा कति क्षति भयो ? आमाबुबा भाइको विचार गर्नुहोला।’ मंगलबार, असोज २३, २०८०- अझै सुचारु भएन जयपृथ्वी राजमार्ग, दुईवटा जेसिबि खटिए पनि पहिरोले चुनौती दियो
- एनपिएल अक्सनमा सुदूरपश्चिमका खेलाडीको दवदवा
- 'गुणस्तरीय शिक्षा अभिवृद्धिका लागि शिक्षा परियोजनाको भूमिका महत्वपूर्ण'
- सुरु भयो बडादसैँ, आज घटस्थापना
- सरसफाईको चेत खुलाउन बित्थडचिरका उपाध्यक्षलाई फोहोर उपहार
- सार्वजनिक भयो विराज भट्ट निर्देशित एक्सनप्रधान फिल्म ‘१२ गाउँ’को ट्रेलर
- बित्थडचिरमा बाघ आतंक, चराउन लगेका ४० मध्ये १० बाख्रा मारेको अवस्थामा भेटिए
- झ्याप्ले खोलाको पहिरोले लुटेर लग्यो बझाङका नवीनको कृषि विज्ञ बन्ने सपना
- बाढीपहिरो र डुबानमा परी ज्यान गुमाउनेको सङ्ख्या १ सय ९२ पुग्यो
