बैतडी सिगासका हिरा धामी भीरबाट लडेर गम्भीर घाइते

भीरबाट लडेर बैतडीको सिगास गाउँपालिका २ कोटिलाका ५० वर्षीय हिरा धामी गम्भीर घाइते भएका छन् । हिरा वडा नम्बर २ कै खोल्टे स्थित पुटुके लुहारको घरबाट कुटो, कोदालो, हसियामा धार लाएर फर्किरहेका बेला बुधबार साँझ गाजरी-धौलाडी भित्री सडकबाट लडेको पारिवारिक स्रोतले जनाएको छ । 

लडेर हिराको टाउको, घाँटी र घुँडामा चोट लागेको उपचारको लागि धनगढी रेफर गरिएको पारिवारिक स्रोतले जनाएको छ । घटनाबारे थप अनुसन्धान भइरहेको जिल्ला प्रहरी कार्यालय बैतडीका सूचना अधिकारी, प्रहरी निरीक्षक योगेश खत्रीले जानकारी दिनुभयो ।