बझाङबाट धनगढी जाँदै गरेको जीप र डडेल्धुराबाट बैतडी आउँदै गरेको जीप एकआपसमा ठोक्किए

बैतडीको अनारखोलीमा बझाङबाट धनगढी जाँदै गरेको र विपरित दिशाबाट आइरहेको जिप एकआपसमा ठोकिएका छन् । दशरथचन्द राजमार्ग अन्तर्गत पाटन नगरपालिका वडा नं. ८ अनारखोलीमा दुई वटा जिपहरु एकआपसमा ठोक्किए हुन् ।

बझाङदेखि धनगढी जाँदै गरेको प्रदेश–०३–०१ ०२४ च १४४० नम्बरको जीप र डडेल्धुरादेखि बैतडी आउँदै गरेको म.१ज ३४९ नम्बरको जिप अनारखोलीमा बिहीबार दिउँसो एकआपसमा ठोक्किएका जिल्ला प्रहरी कार्यालय बैतडीका प्रवक्ता प्रहरी निरीक्ष योगेश खत्रीले बताए । जीप ठोक्किए पनि यात्रुको अवस्था भने सकुशल रहेको प्रहरीको भनाई छ।