सुदूरपश्चिम

सिगास गाउँपालिकामा विद्युत सवस्टेशन निर्माण कार्य हुँदै

जयपृथ्वी खबर

बिहीबार, असोज ११, २०८०

बैतडीको सिगास गाउँपालिकामा विद्युत सवस्टेशन निर्माण कार्य हुँदैछ । सिगास गाउँपालिका वडा नंवर १ स्थित बिन्द्रावनमा विद्धुत सवस्टेशन निर्माणको काम तिव्र रुपमा अघि बढेको हो ।

सिगास गाउँपालिकाको टिम लगायतको उपस्थितिमा साउनमा उद्घाटन गरिएको सवस्टेशन निर्माणको काम अहिले तिब्र रुपमा अघि बढ्दै गएको गाउँपालिकाले जनाएको छ । इन्डियन ठेकेदार अपिल र नेपाली ठेकेदार पेराडाइजको सहकार्यमा निर्माण गरिन थालिएको सवस्टेशन निर्माणको काम फिल्ड कटिङ सकिएर अहिले जगको काम अघि बढेको निर्माण कम्पनीले जनाएका छन् ।

उक्त सवस्टेशन निर्माणको काम असोज ९ गते मङ्गलबार सिगास गाउँपालिका उपाध्यक्ष धाना धामी, शिक्षा अधिकृत रमेश प्रसाद भट्ट, सिगास - ६ का वडा अध्यक्ष तेज बहादुर साउद, सिगास - १ का वडा अध्यक्ष रामचन्द्र ऐर, कार्यपालिका सदस्य रमेश भुल र सीता पोखरेल सहितको टिमले उक्त सवस्टेशन निर्माण कार्य अनुगमन समेत गर्नुभएको थियो ।

सवस्टेशन निर्माण सँगै सिगास गाउँपालिका,सुर्नया गाउँपालिका र पुर्चौडी नगरपालिकामा एल टि र एच टि लाइन विस्तारको कार्य समेत दुई वर्ष भित्र गरिसक्ने पेराडाइजका साइट इन्जिनियर रमेश कुमार शर्माले बताउनुभयो । उक्त सवस्टेशन निर्माणको काम सम्मपन्न भए पछि बैतडीको सिगास गाउँपालिका, सुर्नया गाउँपालिका र पुर्चौडी नगरपालिकामा बिन्द्रावन विद्धुत सवस्टेशन मार्फत बिजुली वितरण गरिनेछ।

प्रकाशित मिति: बिहीबार, असोज ११, २०८०

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम