सुर्मा गाउँपालिकामा खुकरी प्रहारबाट एक जना गम्भीर घाइते, खुकुरी प्रहार गर्ने व्यक्ति फरार

सुर्मा गाउँपालिकामा खुकरी प्रहारबाट एक जना गम्भीर घाइते भएका छन् । सुर्मा गाउँपालिका वडा नम्बर २ दोगडीका ३० वर्षीय हरिचन्द्र बोहरालाई हिजो सोही ठाउँमा करिब २५ वर्षीय भुवन बोहराले खुकुरी प्रहार गरेका हुन् ।

भुवनले हरिचन्द्रको टाउको, करङ, पिठ्यु लगायतका अंगमा खुकुरी प्रहार गरि गम्भीर घाइते बनाएको जिल्ला प्रहरी कार्यालय बझाङले जनाएको छ ।

खुकुरी प्रहार गर्ने भुवन बोहरा फरार रहेको उनको खोजी भइरहेको प्रहरीले जनाएको छ । घाइते हरिचन्द्र बोहराको जिल्ला अस्पताल बझाङमा उपचार भइरहेको छ । उनीहरुले मदिरा सेवन गरेका कारण घटना घटेको प्रहरीको प्रारम्भिक अनुसन्धानबाट खुलेको छ ।