सर्पको टोकाइबाट बैतडीको सिगासका पदम भारतको दिल्लीमा अस्ताए

बैतडीको सिगास गाउँपालिका घर भएका एक पुरुषको भारतको दिल्लीमा निधन भएको छ । जिल्लाको सिगास गाउँपालिका -६ थलाकाँडा (ठुलसैनी) घर भएका पदम सिह धामीको रोजगारीको शिलशिलामा भारतको दिल्लीमा निधन भएको हो । 
विगत ३ वर्ष देखि कामको शिलशिलामा भारतको दिल्लीमा रहेका पदम सिह धामीको सर्पको टोकाइबाट निधन भएको त्यहा स्थित सिगास - ६ का स्थानिय दीपेन्द्र धामीले जानकारी दिनुभएको छ । सुतिरहेको बेला एक्कासी सर्पको टोकाइबाट बाट ज्यान गएको उहाँले बताउनुभयो । 

मृतक पदम सिह धामीका २ छोरी ३ छोरा र श्रीमती रहेका छन् ‌ ‌। रोजगारीको शिलशिलामा परिवारको सपना बोकेका पदम सिह धामी समग्र गाउँ सहित परिवार शोकमा डुवेको छ ।