बुंगलका १ सय ३ जना महिलालाई सेनेटरी प्याड निर्माण सम्बन्धि तालिम 

बझाङको बुंगल नगरपालिकामा तीन वटा वडामा सेनेटरी प्याड निर्माण सम्बन्धि २ दिने तालिम सम्पन्न भएको छ ।

यूएमएनको आर्थिक सहयोग  र दलित सहयोग समाजको आयोजनामा नगरपालिकाका वडा नं ९, १० र ११ मा २ दिने तालिम सम्पन्न भएको प्रशिक्षक रमिता सिंहले जानकारी दिनुभयो । 

एक वडामा २ दिनसम्म सञ्चालन गरिएको उक्त तालिममा एक वडाबाट ३५ जना महिला गरी तीन वडाबाट जम्मा १०५ जना महिनावारी हुने उमेरका महिलाहरूलाई कपडाको घरेलु सेनेटरी प्याड बनाउन सक्षमता तालिम दिइएको आयोजकले जनाएको छ ।  

तालिममा महिनावारी स्वच्छता तथा सेनेटरी प्याड निर्माण लगायत सरसफाइको बारेमा पनि स्थानिय महिलाहरुलाई जानकारी गराएको प्रशिक्षक सिंहले बताउनुभयो । 

समान व्यवहार (EVE) परियोजना अन्तर्गत तालिम प्रदान गरिएको आयोजक दलित सहयोग समाजले जनाएको छ ।