मनसुनजन्य विपदबाट सुरक्षित रहन जिल्ला प्रशासन कार्यलय बझाङको अनुरोध ।।

जिल्ला प्रशासन कार्यालय बझाङले मौसम जन्य बिपदबाट सुरक्षित रहन आग्रह गरेको छ । प्रशासन कार्यालयले एक सुचना जारी गर्दै जल तथा मौसम विज्ञान विभागको मौसम पूर्वानुमान अनुसार गण्डकी र सुदुरपश्चिम प्रदेशमा केही दिनसम्म भारी तथा मध्यम निरन्तर वर्षाको सम्भावना रहेकाले नदी खोलाहरुको सतह बढ्न सक्ने र पहिरोको समेत जोखिम हुन सक्ने भएकाले नदी खोला तटीय क्षेत्र तथा पहिरोको जोखिम भएको क्षेत्रमा बसोबास गर्ने सबैलाई सुरक्षित रहन अनुरोध गरेको छ ।

प्रशासनले सुचनामा आफु नजिकका प्रहरी यूनिट र स्थानीय तहसँग समन्वय गरी सुरक्षित रहनहुन तथा वर्षातको समयमा नदी, खोला, तटीय क्षेत्र र पहिरो जोखिम क्षेत्रहरूमा नजान हुन समेत अनुरोध छ । यसैबिच सुचनामा जिल्लामा विपदबाट कुनै घटनाहरु घटे तत्काल प्रहरीको निशुल्क नम्बर १०० मा सम्पर्क गरेर जानकारी गराउन पनि भनिएको छ ।