सुदूरपश्चिम

बझाङमा एक महिला मृत फेला

जयपृथ्वी खबर

सोमबार, असार २५, २०८०

बझाङमा एक महिलाको शव फेला परेको छ । जिल्लाकोे थलारा गाउँपालिका – १ आर्सेबगर स्थित सेतीनदि किनारमा बेवारिसे अवस्थामा शव फेला परेको जिल्ला प्रहरी कार्यालय बझाङका प्रहरी निररिक्षक रमेशदत्त अवस्थिले बताउनुभयो ।

केदारस्युँ गाउँपालिका र थलारा गाउँपालिकाको सिमाना नजिकै सेती नदी किनारमा अन्दाजी २८/३० वार्षीया महिलाको शव फेला परेको उहाँले बताउनुभयो । शवलाई आज सोमबार दिउँसो स्थानियहरुले देखेपछि जिल्ला प्रहरी कार्यलय बझाङबाट प्रहरी टोली घटनास्थल तर्फ गएको हो ।

महिलाको शव सडेको र नचिनिने अवस्थामा नदी किनारबाट निकालिएको थियो । मृतक महिलाको पहिचान अहिलेसम्म खुल्न नसकेको जिल्ला प्रहरी कार्यालयका सूचना अधिकारी रमेशदत्त अवस्थिले बताउनुभयो ।

अहिले घटनास्थलबाट मुचुल्का बनाएर पोष्टमार्टमको लागि जिल्ला अस्पताल सिमखेत ल्याइएको बताइएको छ । उक्त शवको पहिचान हुन आएमा मृतकका आफन्तलाई जिल्ला प्रहरी कार्यालय बझाङमा सम्पर्क गर्नहुन प्रहरीले अनुरोध गरेको छ ।

प्रकाशित मिति: सोमबार, असार २५, २०८०

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम