जयपृथ्वी नगरपालिकासहित २ वडाले द‍िने सेवा एक साताका लागि बन्द

बझाङ : बझाङको सदरमुकामसमेत रहेको जयपृथ्वी नगरपालिकाका कर्मचारीमा कोरोना भाइरस देखिएपछि नगरपालिका ६ दिनका लागि बन्द गरिएको छ । नगरपालिकाका प्रमुख प्रशासकीय अधिकृत मंगल बहादुर शाहीले सूचना जारी गर्दै जयपृथ्वी नगरपालिका कार्यालयबाट दिइरहेका सेवाहरू ६ दिनको लागि बन्द गरिएको बताउनुभयो । 

कर्मचारीमा कोरोना भाइरस पुष्टि भएपछि जोखिम बढ्न सक्ने भन्दै जयपृथ्वी नगरपालिका - ९ ले समेत अत्यावश्यक सेवा बाहेक सबै सेवा बन्द गरेको छ । बिहीबारबाट २० गते सम्म सेवा बन्द गरीएको वडा अध्यक्ष बजिर बहादुर खड्काले बताए । यता वडा नम्बर १० ले समेत कार्यालय बन्द गर्ने निणर्य गरेको छ । वडा नम्बर १० ले पनि २२ गतेसम्म अत्यावश्यक बाहेकका सबै सेवा बन्द गरिएको सूचना निकालेर जानकारी गराएको हो ।