मष्टा गाउँपालिका ३ मा विद्यार्थीलाई सरसफाई तथा शैक्षिक सामाग्री वितरण

बझाङ : बझाङको मष्टा गाउँपालिका वडा नं ३ ले विद्यार्थीहरुलाई शैक्षिक सामाग्रीका साथै सरसफाई सामाग्रीहरु बितरण गरेको छ । आज बुधबार एक कार्यक्रमको आयोजना गर्दै वडा कार्यलयले वडा भित्र रहेका सम्पूर्ण विद्यालयमा अध्ययनरत अनाथ, असाहय, विपन्न तथा दलित परिवारका बालबालिकालाई विद्यालय पोशाकका साथै उक्त सामाग्रीहरु वितरण गरेको वडा सचिब हर्केश कठायतले जनकारी दिनुभयो । 

कार्यक्रमबाट वडा भित्रका विभिन्न विद्यालयमा अध्ययनरत ५० जना बालबालिकालाई केही राहात होस भनेर विद्यालय पोशाक, झोला, कापीकलम र सरसफाईका सामाग्री वितरण गरिएको हो ।

कार्यक्रममा  वडा नं ३ का वडाध्यक्ष धर्म धामि, पूर्व वडाध्यक्ष, गाउँका बुद्धिजिबी, समाजसेबी लगायत स्थानियहरुको उपस्थिती रहेको थियो ।