खप्तडमा भएको घोडादौड प्रतियोगितामा बझाङको कब्जा

खप्तड राष्ट्रिय निकुञ्जमा लाग्ने गंगा दशहरा मेलाको अवषर पारि आयोजित  घोडादौड प्रतियोगितामा बझाङका अजय रावल प्रथम भएका छ्न् ।

सुदूरपश्चिम खेलकुद परिषद् कैलाली र उद्योग बाणिज्य संघ डोटीको संयुक्त आयोजना र नेपाली सेनाको व्यवस्थापनमा सञ्चालन भएको उक्त प्रतियोगितामा बझाङका पदमराज पाध्य द्वितीय भएका छन् भने बझाङकै जिवन शाही तृतीय भएका छन् ।

उक्त प्रतियोगितामा प्रथम पुरस्कार रू ३० हजार, द्वितीय पुरस्कार रू २० हजार र  तृतीय पुरस्कार रू १० हजार नगद सहित मेडल र प्रमाणपत्र प्रदान गरिएकाे छ । प्रतियोगितामा विभिन्न जिल्लाका १२ जना प्रतियोगी रहेका थिए ।