किशोर किशोरीहरूको समग्र विकासका लागि पुनर्ताजगी समीक्षा तथा गोष्ठी कार्यक्रम सम्पन्न

बझाङ: किशोर किशोरीहरूको समग्र विकासका लागि पुनर्ताजगी समीक्षा तथा गोष्ठी कार्यक्रम सम्पन्न भएको छ । युएनएफपिएको आर्थिक सहयोगमा भिएसओ र पिसविनको साझेद्धारीमा संचालित बालविवाह न्यूनिकरण परियोजना अन्तर्गत किशोर किशोरीहरूको समग्र विकासका लागि पुनर्ताजगी समीक्षा तथा गोष्ठी कार्यक्रम सम्पन्न भएको हो ।

बालविवाह न्यूनिकरणका लागि सहजकर्ताको भूमिका लगाएत विषयमा छलफलगर्ने उद्येश्यले मंसिर २७ र २८ गते दुइदिन सम्म सदरमुकाम चैनपुर स्थित होटेल होलिडेइनमा सञ्चालन भएको कार्यक्रमको आज समापन गरीएको बताइएको छ । कार्यक्रममा युएनएफपिएका जिल्ला संयोजक धन बहादुर लम्साल, पिसविन नेपालका जिल्ला संयोजक भुवन बहादुर सिंह,प्रशिक्षक सहजकर्ता बसन्त प्रताप सिंह र २४ जना किशोर किशोरी सहजकर्ताहरूको उपस्थिती रहेको थियो । कार्यक्रममा वाषिर्क समीक्षा र आगामी दिनमा कार्यक्रम लाई कसरी प्रभावकारी बनाउन सकिन्छ लगाएत विषयमा छलफल गरीएको पिसविन नेपालका जिल्ला संयोजक भुवन सिहँले बताउनुभयो ।