बाहुली खाेलाको वितण्डा: सदरमुकाम चैनपुर जोड्ने सुर्मा सडक खण्ड अबरुद्ध  

बझाङ : गएराति बझाङको बाहुलि खोलामा आएको बाढीका कारण सदरमुकाम चैनपुर जोड्ने सुर्मा सडक खण्ड अबरुद्ध भएको छ । सदरमुकाम बाट सुर्मा गाउँपालिकालाई जोड्ने  सडक खण्ड बाहुली खोलामा आएको बाढीले बगाएपछी अबरुद्ध बनेको हो । सुर्मा गाउँपालिका –२ धौलो पैरामा पहिरो जाँदा गएराती नौ बजे तिर बाहुली खाेलामा लेदाे सहितको बाढी आएकाे थियो ।  

बाढीले सुर्मा सडक खण्ड अबरुद्ध भएको  र पहिरोले भएको क्षेति बारे जानकारी लिन अहिले जिल्ला प्रहरी कार्यालय बझाङबाट टोली पहिरो गएको स्थानमा गएको जिल्ला प्रहरी कार्यालय बझाङका सुचना अधिकारी कमल चौधरीले बताए । उनले भने अहिले टोली सोहि ठाउँमा नपुगेका कारण क्षेतिको विवरण आउन बाँकि रहेको छ ।  बर्षायाम भएकाले जिल्लाका दर्जनौ गाउँहरु पहिरोको उच्च जोखिममा रहेकाले सबैले सर्तक रहनु आवश्यक छ ।