३२ औं ग्रीष्मकालीन टोकियो ओलम्पिक खेलकुदको उद्घाटन आज हुँदै

काठमाण्डौ -  ३२ औं ग्रीष्मकालीन ओलम्पिक खेलकुदको औपचारिक उद्घाटन आज हुँदैछ । जापानको राजधानी टोकियोमा एक विशेष कार्यक्रमकाबीच  औपचारिक रुपमा सुरु हुनेछ । कार्यक्रमको नेपाली समय अनुसार दिउँसो ४ बजेपछि हुने  उद्घाटन हुने छ । उद्घाटन समारोहमा हुने मार्च पासमा पौडी खेलाडी गौरिका सिंह र एलेक्जेन्डर शाह (एलेक्स) ले नेपालको झण्डाबोक्ने छन् ।  

नेपालबाट खेलाडीसहित २३ सदस्यीय टोली टोकियो पुगिसकेका छन् । ओलम्पिक प्रतियोगिता स्थगित गर्नुपर्ने आवाज उठिरहेका बेला प्रतियोगिता हुन लागेको हो । यसअघि गएको वर्ष कोरोनाकै कारण प्रतियोगिता रोकिएको थियो । कोरोना भाइरसको सङ्क्रमणका कारण दर्शकको उपस्थितिबिना नै प्रतियोगिता हुनेछ ।