त्रिदेशीय टी–२० श्रृङ्खलाको पहिलो खेलमा नेपालले आज क्यानडासँग खेल्दै

त्रिदेशीय टी–२० अन्तर्राष्ट्रिय श्रृङ्खलाको पहिलो खेलमा नेपालले आज घरेलु टोली क्यानडासँग खेल्दैछ । नेपाल र क्यानडाबीचको खेल राति पौने १० बजे शुरु हुनेछ । यो श्रृङ्खलामा ओमान पनि रहेको छ । यसअघि भएको विश्वकप लिग दुई अन्तर्गतको एक दिवसीय श्रृङ्खलामा नेपाल क्यानडासँगका दुवै खेलमा पराजित भएको थियो ।

ओमानसँग एउटा खेलमा पराजित भएको थियो भने एउटा खेल वर्षाले रद्द भएको थियो । नेपालले दोस्रो टी–२० मा भोलि आइतवार ओमानसँग, तेस्रो खेलमा मङ्गलवार क्यानडासँग र चौथो खेलमा बुधवार फेरि ओमानसँग खेल्नेछ ।