शिलदेवी मेला: महिला पुरुष गरि ७ वटा खेल सम्पन्न, यी हुन् बिजयी टिम

शिलदेवी मेला अन्तर्गत आज पहिलो चरणका ७ वटा खेल भएका छन् । आज पहिले दुइ खेल महिलाका खेलाइएका थिए भने त्यसपछि पाँचवटा पुरुषका खेलाइएका छन् । आज भएको पहिलो खेलमा महिला तर्फ छबिसपाथिभेरा गाउँपालिकाले जयपृथ्वी नगरपालिका बी टिमलाई सेमिफाइनल प्रवेश गरेको छ । यस्तै महिला तर्फ भएको दोस्रो खेलमा जयपृथ्वी नगरपालिक ए ले जयपृथ्वी बहुमुखी क्याम्पसलाई पराजित गर्दै सेमिफाइनल प्रवेश गरेको छ । यस्तै पुरुष तर्फ तल्कोट गाउँपालिका र दुर्गाथली गाउँपालिकाबीच भएको तेस्रो खेलमा तल्कोट गाउँपालिकाले जीत हात पारेको छ । छविसपाथिभेरा गाउँपालिका र जयपृथ्वी नगरपालिका-११ बीच भएको चौथो खेलमा छबिसपाथिभेरा बिजयी भएको छ । थलारा गाउँपालिका र खप्तडछान्ना गाउँपालिकाबीच भएको पाँचौ खेलमा थलारा गाउँपालिकाले जीत हात पारेको छ । जयपृथ्वी नगरपालिका र सुर्मा गाउँपालिकाबीच भएको छैंटौ खेलमा जयपृथ्वी नगरपालिकाले जीत हात पारेको छ । भने जयपृथ्वी नगरपालिका ५ र कर्मचारी मिलन केन्द्रबीच भएको अन्तिम अर्थात् सातौं खेलमा जयपृथ्वी नगरपालिका ५ ले जीत हात पारेको छ । भोली बिहान पहिलो खेल पूरुष तर्फ मष्टा गाउँपालिका र केदारस्युँ गाउँपालिकाबीच हुने आयोजकले जनाएको छ ।