नेपाली काँग्रेस बझाङका सभापति बोहरा सवार जीप दुर्घटना: एकको मृत्यु, तीन घाईते

बझाङ : बझाङको वित्थडचिर गाँउपालिका ४ देउलेखमा जीप दुर्घटना हुँदा एक जनाको मृत्यु भएको छ । दुर्घटनामा परि ३ जना घाइते भएका छन् । दुर्घनामा परि सुर्मा गाँउपालिकाका विनोद बोहराको घटनास्थलमै मृत्यु भएको हो ।  जीपमा ३ जना महिला र ६ जना पुरुष गरि ९ जना सवार रहेको बुझिएको छ । घाइते ३ जनाको देउलेख प्राथमिक स्वास्थ्य केन्द्रमा उपचार हुन नसकेपछि धनगढी रेफर गरिएकोे छ । बझाङको सुर्मा गाँउपालिका बाट धनगढी तर्फ गइरहेको सुपप्र ०१–००१ च ००९५ नम्बरको जीप वित्थडचिर गाउँपालिका ४ देउलेख बजार नजिकै दुर्घटना भएका हो ।

जीपमा नेपाली कांग्रेस बझाङका सभापति खडक बोहराको परिवार सवार रहेको जिल्ला प्रहरी कार्यालय बझाङका सूचना अधिकारी कमलप्रसाद चौधरीले बताए । प्रहरीका अनुसार गएराति साढे १२ बजे तिर दुर्घटना भएको हो । दुर्घटनाको कारण खुल्न नसकेको र घटनाको विस्तृत विवरण आउन बाँकी रहेको प्रहरीले जनाएको छ ।