गाडीको ठक्करबाट एकजनाको मृत्यु

बझाङ : कैलालीमा गाडीको ठक्करबाट एकजनाको मृत्यु भएको छ। पूर्वपश्चिम राजमार्गअन्तर्गत जिल्लाको लम्कीचुहा नगरपालिका– १० गुलरास्थित सिमलको रुखनजिक टोइटा लेन्ड क्रृजरले ठक्कर दिँदा एकजनाको मृत्यु भएको हो।

पैदल यात्रीको मृत्यु भएको र मृतकको सनाखत हुन नसकेको जिल्ला प्रहरी कार्यालय कैलालीले जनाएको छ। पूर्वपश्चिम राजमार्गमा पूर्वबाट पश्चिमतर्फ आइरहेको काठमाडौं कागेश्वरी नगरपालिका वडा नम्बर १ बस्ने वर्ष ५७ का नवराज फुयालले चलाएको प्रदेश ०१–००२ झ ५२८४ नम्बरको टोइटा लेन्ड क्रृजरले उनलाई ठक्कर दिएको हो। चालक र गाडी प्रहरीले नियन्त्रणमा लिएको छ।