नेभिगेशन
समाचार

बझाङमा नेपाल टेलिकमको इन्टरनेट कछुवा गतिमा

बझाङ सदरमुकाम चैनपुरमा नेपाल टेलिकमको इन्टरनेट सेवा सुस्त गतिमा सञ्चालन भइरहेको उपभोक्ताहरूले गुनासो गरिरहेका छन्। टेलिकमले फाइबर इन्टरनेट र 4G मोबाइल डेटा सेवा उपलब्ध गराइरहेको भए पनि, दुबै सेवाको गति अपेक्षाकृत रूपमा कमजोर रहेको उपभोक्ताहरूको भनाइ छ।  

हाल ५ हजारभन्दा बढी इन्टरनेट प्रयोगकर्ता रहेको यस क्षेत्रमा नेपाल टेलिकमले Band 3 (1800 MHz) मा 4G LTE सेवा प्रदान गरिरहेको छ। नेटवर्क जानकारी अनुसार, १० MHz ब्यान्डविथमा अधिकतम ७५ Mbps डाउनलोड र २५ Mbps अपलोड गति दिन सक्ने भए पनि, व्यावहारिक रूपमा सो गति प्राप्त हुन सकेको छैन।  
प्राविधिक रूपमा, १० MHz ब्यान्डविथको LTE नेटवर्कले अधिकतम १००-२०० प्रयोगकर्तासम्म राम्रो सेवा दिन सक्ने देखिन्छ। तर, चैनपुरमा हजारौं प्रयोगकर्ताले मोबाइल डेटा प्रयोग गर्ने हुँदा नेटवर्क अत्यधिक लोड भएर गतिको गिरावट आएको हो। खासगरी एकै समयमा धेरै प्रयोगकर्ताले डेटा चलाउँदा गतिको समस्या झन् बढ्ने गरेको छ।  

नेपाल टेलिकमले चैनपुरमा फाइबर इन्टरनेट सेवा उपलब्ध गराए पनि गति निकै कम रहेको गुनासो छ। फाइबर नेटवर्कमा पनि ब्याकहौल क्षमताको कमी, पुरानो संरचना, र अत्यधिक प्रयोगकर्ताको लोडका कारण इन्टरनेट सेवा सुस्त गतिमा सञ्चालन भइरहेको हो।   मोबाइल नेटवर्क सुधारका लागि नेपाल टेलिकमले अतिरिक्त स्पेक्ट्रम ब्यान्ड थप्नुपर्ने देखिएको प्रयोगकर्ताहरुको भनाई छ ।  

मष्टा घर भइ हाल चैनपुर व्यापार व्यवसाय गर्दै आउनुभएका भुपेन्द्र खड्काले फाइबर नेटवर्कको ब्याकहौल क्षमतामा सुधार गरी इन्टरनेट गतिलाई बढाउनुपर्ने बताए ।  यस्तै नेपाल टेलिकम बझाङ शाखाका प्रमुख बमबहादुर सिंह मोबाइल नेटवर्कको लोड कम गर्न 5G प्रविधि वा अतिरिक्त टावरहरूको स्थापनाको आवश्यक रहेको बताउँछन् । उनले माथिल्लो निकायमा जानकारी गराए पनि सुनुवाइ नहुने गरेको उल्टै गुनासो गरे । नेपाल टेलिकमले तत्काल सेवा सुधार नगरे, उपभोक्ताहरू निजी सेवा प्रदायकतर्फ आकर्षित हुने सम्भावना रहेको अर्का सेवाग्राही सिजन थापाले बताए। चैनपुर र आसपासका बासिन्दाले  उच्चगति इन्टरनेटको व्यवस्था मिलाइदिन नेपाल टेलिकमलाई आग्रह गरेका छन् । यस्तै बझाङका ग्रामिण भेगमा झनै समस्या देखिएको छ । बझाङका १२ स्थानीय तहमा २५ वटा नेपाल टेलिकमका टावर सञ्चालनमा भए पनि अझैं कतिपय गाउँ सञ्चार सम्पर्कबाट बाहिर छन् । भौगोलिक अवस्था, सोलार सिस्टममा आधारित टावर हुनु, कमजोर ब्यान्डविथ हुनुले सेवाग्राहीले हैरानी भोग्नु परिरहेको छ । कतिपय टावरमा विद्युत विस्तार गर्न सकिने अवस्था भए पनि टेलिकमले विद्युत विस्तार नगरेको छबिसपाथिभेरा गाउँपालिका वडा नम्बर ७ का वडाध्यक्ष बिजय धामी गुनासो गरे । 

प्रकाशित मिति:
प्रतिक्रिया दिनुहोस्

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप समाचार
संघीय सरकारबाट बझाङका पालिकालाई ३ अर्ब ९६ करोड अनुदान, सबैभन्दा बढी बुंगल नगरपालिकाले पाउने

संघीय सरकारबाट बझाङका पालिकालाई ३ अर्ब ९६ करोड अनुदान, सबैभन्दा बढी बुंगल नगरपालिकाले पाउने

आगामी आर्थिक वर्ष २०८२/८३ का लागि संघीय सरकारले बझाङ जिल्लाका सबै १२ स्थानीय तहलाई ३ अर्ब ९६ करोड ४६ लाख रुपैयाँ बराबरको अनुदान विनियोजन गरेको छ। संघीय सरकारको...
अबको एक हप्तासम्म वर्षा कम र गर्मी धेरै

अबको एक हप्तासम्म वर्षा कम र गर्मी धेरै

मनसुनी प्रणाली अबको केही दिन कोशी प्रदेशबाट अघि नबढ्ने सङ्केत देखिएको मौसमविदले बताएका छन् । एक हप्तासम्म वर्षा कम र गर्मी धेरै हुने सम्भावना रहेको मौसमविद् रोजन लामिछानेले...
लक्ष्मी लघुवित्तद्वारा मृतक सदस्यको परिवारलाई बीमा वापतको रकम हस्तान्तरण

लक्ष्मी लघुवित्तद्वारा मृतक सदस्यको परिवारलाई बीमा वापतको रकम हस्तान्तरण

बझाङ जिल्लाको जयपृथ्वी नगरपालिका–१० मा रहेको लक्ष्मी लघुवित्त वित्तीय संस्था लिमिटेडले आफ्ना सदस्यको निधनपछि बीमा वापतको रकम हस्तान्तरण गरेको छ।
बझाङमा इलेक्ट्रोनिक भुक्तानी प्रणालीबाट तलब दिने पहिलो स्थानीय तह बन्यो मष्टा

बझाङमा इलेक्ट्रोनिक भुक्तानी प्रणालीबाट तलब दिने पहिलो स्थानीय तह बन्यो मष्टा

मष्टा गाउँपालिकाले सामुदायिक विद्यालयमा कार्यरत शिक्षक र कर्मचारीहरूको तलब भुक्तानी प्रक्रियामा सुधार ल्याउन आधुनिक इलेक्ट्रोनिक भुक्तानी प्रणाली (EFT) लागू गर्ने निर्णय गरेको छ।
भर्खरै