नेकपा माओवादी केन्द्र मष्टा गाउँ कमिटीले  पूर्णता पायो 

नेकपा माओवादी केन्द्र मष्टा गाउँ कमिटीले औपचारिक रूपमा पूर्णता पायको  छ। मिति २०८१ मंसिर २७ गते सम्पन्न तेस्रो गाउँ सम्मेलनले पदाधिकारी चयन नगरी ४५ सदस्यीय गाउँ कमिटी गठन गरेको थियो।

शनिबार बसेको पहिलो बैठकले कमिटीको नेतृत्व चयन गरेको छ। बैठकको अध्यक्षता ज्येष्ठ सदस्य संकलाल द्वालले गर्नु भएको थियो भने प्रमुख अतिथि नेकपा माओवादी केन्द्र बझाङ जिल्ला संयोजक रतन सिंह, विशिष्ट अतिथि जिल्ला सचिव नन्दलाल धामी, प्रदेश समिति सदस्यहरू हरिलाल धामी र शिवराज बोहराको उपस्थिति रहेको थियो।

बैठकले रामचन्द्र रोकायाको अध्यक्षतामा गाउँ कमिटी गठन गरेको हो। यस्तै अन्य पदाधिकारी उपाध्यक्ष गोरख बोहरा, धन बिक, वीर ब. बोहरा सचिव मदन कठायत, सह-सचिव सुरेन्द्र खड्का र कोषाध्यक्ष लक्ष्मी कठायत रहेका छन् ।

नवनिर्वाचित अध्यक्ष रामचन्द्र रोकायाले पार्टीलाई गाउँस्तरमा अझ सशक्त बनाउने प्रतिबद्धता व्यक्त गर्नु भएको छ । बैठकले आगामी योजनाबारे छलफल गर्दै गाउँस्तरीय कार्यहरूलाई प्राथमिकता दिने निर्णय  समेत गरेको छ।