बझाङमा भिरबाट लडेर एक पुरुषको मृत्यु

बझाङ ; बझाङमा भिरबाट लडेर एक पुरुषको मृत्यु भएको छ । जिल्लाको बुङ्गल नगरपालिका वडा नम्बर ४ कुस्मला घर भएका अन्दाजी ४५ वर्षिय बिर्ख गुर्धामीको भिर बाट लडेर मृत्यु भएको हो ।

हिजो साँझ करिब ५ बजे तिर घर नजिकै रहेको पानी घट्ट जाने बेलामा भिरबाट लडेर उहाँको मृत्यु भएको जिल्ला प्रहरी कार्यालय बझाङका डिएसपी जागेश्वर भण्डारीले जानकारी दिनुभयो । घटनाबारे थप अनुसन्धान भैरहेको बताइएको छ ।